ST. AMANT, LOUISIANA, MERKA, AP. – Ainda Louisiana ta kobando den tera despues di e inundashonnan devastador, i ekiponan di reskate ta kana di porta pa porta buskando sobrebibiente i kadavernan pega den lodo. E awa aki a saka mortonan dera den santana.
Por lo ménos 13 persona a muri den e inundashonnan provoká pa áwaseru torensial den parti sùit di Louisiana. Despues ku e awa a kuminsá baha, e tarea di rekonstruí bidanan, saka shushi for di kasnan i haña un kaminda pa keda ta kuminsá.
Un problema mas ta ku algun famia ta purbando di bolbe dera nan sernan kerí, kende nan kaha di morto a keda destrosá despues di e inundashonnan aki.
Den santana Plainview di Denham Springs, e famianan ku a bishita graf di nan a sernan kerí a topa ku un káos.
Na parti sùit di Louisiana no por dera ku 2 meter bou di tera. Normalmente e kahanan di 
morto ta keda parsialmente riba tera, segun Zeb Johnson ku tin hopi eksperensia den rekuperamentu di kahanan destrosá pa inundashon òf orkan. Johnson a bisa ku vários kaha tabata flota rònt mester bolbe wòrdu dera den tera manera e awa aki baha.
Den otro zonanan, e búskeda pa haña sobrebibiente ta kontinuá.
