LOVE, Music and Food Festival

WILLEMSTAD.- Un festival pa nos yunan, hóbennan i tambe adulto. Ku diferente atrakshon pa nos chikínan, diferente tipo di kuminda i diferente género di músika!
E festival ta tuma lugá 16 di febrüari na Mathey Werf, bou di pia di Juliana Brug (Otrobanda), un festival ku ta tuma lugá den oranan trempan di atardi kuminsando 4 or di atardi ku atrakshonnan pa muchanan manera bouncer, bula den saku, dal bleki ku bala, kana den trein huntu riba un planki …. en fin diferente tipo di wega ku nos konosé den nos hubentut i di mes kombiná ku pòpkòrn, hòdòk pa nos muchanan i diferente “food station” pa nos grandinan. Den oranan di trempan nos lo haña agrupashon Kòmper i tambe Gino & Friends i DJ Beetz pa deleitá nos oreanan.
E sekshon di mucha ta terminá 8 or i mayornan ta baha nan yunan na kas i bin bèk pa sigui gosa di e kumindanan variá i tambe e bandanan ku lo sigui te 2AM, kual ta Gentz, Rhydd’m, Highway Band i tambe ONE.
Karchinan pa LOVE Music and Food Festival, ta optenibel na Mensing’s Caminada, Beep Beep Rio Canario, TDS Sta Rosaweg, miembronan di Grupo Zoy’é i Grupo Bliss. Pa mas informashon tuma kontakto ku organisashon na WhatsApp òf telefòn +5999 5256999.
Entrada: Adulto ANG 50.00 (Inkluí entrada + 4 Token + LOVE Cup)
Mucha te ku 12 aña ANG 5.00 (Inkluí entrada + 1 Token pa konsumo òf atrakshon)
LOVE Cup = Kùp stail, ku bo por kumpra bo bebida di festival aden i sigui usa tur dia (kuidando nos medio ambiente).
Organisashon di LOVE Music and Food Festival ta warda pueblo di Kòrsou pa bin disfrutá di e diferente kumindanan i bandanan e dia aki.
Sigui nos riba página facebook Zoye Curaçao Carnival Group i tambe Bliss Curaçao pa e line up di bandanan i tambe ken tur lo ta den e “food station” di LOVE.

SHARE

LEAVE A REPLY