RIO DE JANEIRO (AFP).- E presidente brasilero, Luiz Inácio Lula da Silva, a bisa ayera ku e mandatario norteamerikano, Donald Trump, “no mester mete ku elekshonnan di Brasil” di òktober próksimo, den kua e iskierdista lo buska e re-elekshon. Trump ta un aliado dje èks presidente di ekstremo derecho, Jair Bolsonaro, kende su yu, e senador, Flavio Bolsonaro, lo ta e rival prinsipal di Lula den e elekshon.
E mandatario norteamerikano “tin derechi di su preferensianan elektoral” pero “e elekshonnan di Brasil ta un problema di Brasil”, segun Lula a bisa na Geneve despues di a tuma parti komo invitado na e kumbre di G7 na Fransia.
Den e enkuentro di lidernan, Trump a bisa djárason ku Brasil “a bira un pais poko duru, un poko peligroso polítikamente”. E republikano a respaldá kandidatonan di derecho den otro paisnan latinoamerikano manera Argentina, Colombia i Honduras.
Despues di a risibí Lula luna pasá na Washington, Trump a reuní ku Flavio Bolsonaro, kende el a deskribí komo “un hóben inteligente ku ta stima su pais”. Algun dia despues, Merka a klasifiká e dos gruponan narkotrafikante mas grandi Brasil komo teroristanan. Tambe el a menasá na subi impuesto riba produktonan brasilero.
