Aktual presidente brasilero, Luiz Inacio Lula da Silva, kandidato pa un di kuater periodo komo presidente dje pais suramerikano, durante di su promé akshon di kampaña pa elekshon di 4 di òktober.
ROI DE JANEIRO.- E presidente iskierdista di Brasil, Luis Inacio Lula da Silva, i su rival derechista, Flavio Bolsonaro, a lansa nan kampaña ayera ku bista poné riba e elektorado ku por disidí e elekshon ku ta na kaminda: e hende muhé.
Brasileronan dia 4 di òktober lo bai vota den un elekshon polarisá pa e sombra di presidente merikano, Donald Trump, ku di forma habrí ta respaldá kandidatonan konservador den elekshonnan na Amérika Latina.
Lula, di 80 aña, ta buska un di kuater mandato, i ta enfrentá yu dje èks presidente di ekstremo derecha, Jair Bolsonaro, prezu pa intento di gòlpi di estado.
E iskierdista a start su kampaña ayera den un reunion den e kuna di su karera polítiko, Sao Bernardo de Campo, kaminda komo sindikalista el a dirigí su mes na multitutnan durante di un wèlga general den pleno diktadura di añanan di 1970.
El a yega den un helikòpter na e stadion “Promé di Mei” ku daknan kubrí pa e karakterístika kòrá di Partido di Trahadónan. Alrededor di 40.000 hende tabata presente.
Mi tabata aki den 79. Lula a proyektá su mes komo lider den un diskurso pa kua e no tabatin ni mikrofon. “E tempu ei nos tabata pasa e loke e tabata bisa di boka a boka”, segun Luis Turco, dirigente dje partido den e estado di Sao Paulo i èks kompañero di Lula den e sindikato metalúrgiko.
Den su di tres mandato, Lula a referí na kresementu di su programanan sosial i tambe kaida den e kantidat di kapmentu di palunan grandi den Amazona.
Pero e tenshonnan di Merka i e impuestonan imponé riba Brasil ta dominá e debate. Lula a trese dilanti di ke bisa na Trump, aliado di Bolsonaro tata, pa “no mete den asuntunan di Brasil, spesialmente pa loke ta trata elekshon. Si e mete, lo e pèrdè”.
Den San Bernardo di Campo, el a dediká su mes na konkistá e voto di hende muhé. Hòmbernan “for di mucha mester siña ku un hòmber no ta mihó ku e hende muhé. Nan mester siña ku nos tur ta igual”, el a bisa.
Hende muhé ta representá e 53% di e 158 mion votadónan di Brasil. Ademas, e hende muhé ta vota mas ku hende hòmber i a kontribuí pa Lula por a gana elekshon di 2022.
Un sondeo resien a duna komo resultado ku e presidente ta konta ku 43% di votonan kontra di 40% di Bolsonaro.
