BRASILIA (AFP).- E presidente brasilero Luiz Inacio Lula da Silva, a eksigí ku e dos aktivistanan pro palestino kendenan tabata riba kaminda pa Gaza i ku a keda detené pa Israel, “keda liberá di forma inmediato”.
Un tribunal israelí djadumingu a prolongá e aresto di Saif Abu Keshek, di nashonalidat spañó, i Thiago Avila, brasilero, detené siman pasá dilanti di kostanan di Gresia. “Nos gobièrnu, huntu ku esun di Spaña, ku tambe tin un siudadano detené, ta eksigí pa duna nan tur klase di garantia di seguridat i ku nan ta keda liberá awor dirèkt”, segun Lula, kende a kalifiká e akshon di Israel komo “no hustifikabel”.
