CIUDAD DE PANAMA (AFP).- E presidente di Brasil, Luiz Inacio Lula da Silva, a kritiká e situashon ku e integrashon di di Latinoamérika ta biba ayera, na tal nivel ku no por a fiha un posishon komun relashoná ku e intervenshon militar resien di Merka den Venezuela. Lula, kende na Panamá ta tuma parti na un foro ku vários mandatario regional, a rechasá e operashonnan di forsanan norteamerikano ku a resultá den kaptura dje presidente venezolano Nicolas Maduro dia 3 di yanüari último.
E presidente brasilero a kritiká partikularmente ku e Komunidat di Estadonan Amerikano i Karibense (CELAC), kreá komo un kontra balansa di OEA ku influensia fuerte di Merka, no por a yega na un posishon frente e loke a pasa na Venezuela, ku e presidente a kalifiká komo “algu grave kontra dignidat”.
“No tabata kapas pa produsí ni sikiera un deklarashon kontra di intervenshonnan militar ilegal ku ta afektá nos region”, segun el a lamentá den un diskurso den e Foro Ekonómiko Internashonal Amérika Latina i Karibe.
Na su yegada na Panamá djamars anochi, Lula a hasi yamada riba e presidente norteamerikano Donald Trump pa kuida e soberania i “interesnan demokrátiko” di Venezuela, pais ku Merka ta bisa di tin bou di su kontròl.
Would you like to go on an exciting adventure through space and time? A mesmerizing platformer, Space Waves will put your reflexes and sense of space to the test. In order to progress through a succession of colorful waves, you’ll have to grab power-ups, slide along walls, and dodge hazards.