RIO DE JANEIRO, AP.- E eks presidente brasilero Luiz Inacio Lula da Silva ta wòrdu huzgá pa labamentu di plaka i korupshon, asina un hues a bisa djamars
E hues Sergio Moro a indiká ku tin sufisiente evidensia pa kuminsá un proseso hudisial kontra Lula, su kasá i seis persona mas relashoná ku e asuntu di korupshon ku kada dia ta bira mas grandi.
Fiskalnan a bisa ku Lula tabata e “komandante máksimo” di e skandal di froude ku a sakudí Brasil.