NASHON UNI, AP.- E presidente argentino Mauricio Macri a konfirmá djamars den Nashon Uní ku su pais lo habri porta pa refugiadonan pero e no a spesifiká e sifra total di esaki.
“Mi kier anunsiá na boso ku nos ta bai amplia e programa di refugiadonan di Siria i di su paisnan bisiña, privilegiando gruponan familiar ku muchanan”. Asina Macri a bisa den su diskurso dilanti di Asamblea General di Nashon Uní.
” Nos por subi nos kapasidat pa aseptá migrante gradualmente, ku asistensia tékniko i finansiero i tambe e apoyo logístiko internashonal”.
E gobièrnu tin pensa di risibí 3.000 refugiado, pero no sa si esaki ta inkluí un kontingente entre 1.200 i 1.400 sirio ku ta den e pais desde e hostilidatnan na Siria den aña 2011.
Macri a destaká ku su pais a krea un gabinete nashonal di ministernan na kargo di e ampliashon di e Programa Humanitario Vigente.
