PARIS, AP.- Presidente franses Emmanuel Macron a insinuá djaweps ku e ta kla pa hasi kambio na e plan di reforma di penshun, miéntras un gran gremio a atvertí ku e wèlganan i manifestashon nashonal lo kontinuá te ku Pasku.
E wèlganan a paralisá servisio di trein na Fransia i metro na Paris pa di ocho dia konsekutivo. E manifestashonnan tabata pasífiko den e pais kompleto. Polis a tira gas lakrimógeno kontra e manifestantenan na Nantes i Lille, i e aktivistanan a sende vehíkulonan na Marseille na kandela.
E gremionan a rechasá e proposishon nobo di gobièrnu pa apliká e medidanan nobo pa baha ku penshun solamente pa esnan ku a nase despues di 1974. E fransesnan lo mester traha te ku 64 aña na lugá di 62 aña kual ta e edat mínimo aktual.
Trahadónan di e sektor públiko ta partisipando den e wèlga general nashonal.
