Benjamin Lucas i polítiko CLementine Autain ta wak miéntras sekretario nashonal di partido Ecologistes Marine Tondelier ta papia ku prensa. Esaki durante di un enkuentro ku e partidonan
PARIS, FRANSIA, AFP.- Promé minister dimenshonario, Sebastian Lecornu, ta kalkulá ku e situashon polítiko aktual ta permití e presidente franses, Emmanuel Macron, pa nombra un hefe di gobièrnu den e próksimo oranan, na final di dos dia di konsulta ku partidonan polítiko.
E di tres hefe di gobièrnu di Macron, den un aña a presentá retiro den apénas 14 luna despues di desvelá su gobièrnu sentro derechista di minoria.
Presidente a dun’é e ora ei 48 ora pa mira si por forma unu nobo, ku ta garantisá e stabilidat.
“Mi a bisa e presidente ku e perspektivanan di desolushon di asamblea nashona ta alehando i mi ta pensa ku e situashon ta permití e presidente nombra un promé minister den e próksimo 48 oranan”, asina Lecornu a sigurá durante un entrevista na televishon públiko.
Promé minister sentro derechista a kuminsá e siman akí ku e konsultanan ku e partidonan ku ta forma gobièrnu for di sèptèmber 2024; aliansa sentralista di Macron i e partido konservador di e republikanonan. Djamars nan a risibí e oposishon di iskierda.
Segun e konklushonnan “ta eksistí un mayoria apsoluto den asamblea nashonal” kontra di konvokashon di elekshonnan legislativo antisipá, ku lo kombertí den e di dos adelanto elektoral for di yüni di 2024.
