BERLIL, ALEMANIA.- Presidente franses Emmanuel Macron a atvertí ku Rusia lo paga karu si e invadí Ukrania, i a enfatisá e relashon entre Fransia i Alemania na fabor di un region de-eskalá.
“Si surgi un agreshon”, Rusia kontra Ukrania, “Lo tin kontesta i e lo tin un kosto haltu pa Mòsku”, asina Macron a bisa den un konferensia di prensa na Berlin huntu ku e hefe di gobièrnu aleman Olaf Scholz.
Macron a bisa na mes momentu ku Fransia i Alemania ta uni den nan posishon den e kaso di atake i tur dos ta proponé un de eskalashon. E mandatario franses a anunsiá di otro banda ku djabièrnè lo tin un kombersashon telefóniko ku su homólogo ruso Vladimir Putin pa diskutí e tenshon kresiente na frontera ruso Ukrania.
