PARIS, FRANSIA, AFP.- E presidente franses, Emmanuel Macron, a disidí djaweps pa adoptá su reforma impopular di penshun sin voto di diputadonan, riskando kaida di gobièrnu di su promé minister den un moshon di sensura i provokando manifestashonnan nobo.
Polis mester a intervení ku gas lakrimógeno i a spùit awa riba míles di manifestante ku a reuní riba plasa di Concordia di Paris, serka di Asamblea Nashonal, pa protesta kontra e reforma i su adopshon.
E adopshon di e lei a bolbe lanta tenshon den sindikatonan, ku a pidi pa e pueblo bolbe protestá otro siman djaweps. Gobièrnu ke subi edat di penshun di 62 pa 64 aña pa 2030.
Fransia tin un di e edatnan di penshun di mas abou den Union Europeo i segun gobièrnu e pais ta enfrentá un défisit den e kaha di penshun den futuro, kual e reforma ke purba evitá.
