Presidente franses Emmanuel Macron (r) ta brinda ku presidente griego, Konstantinos Tasoulas, durante di un dinner na Palasio Presidensial di Atena.
ATENAS, Gresia (AFP).- E presidente franses Emmanuel Macron ayera a yega Gresia pa un bishita di dos dia destiná pa reforsá e lasonan di defensa ke aliado ei ku ta klave den asuntu naval, na momento ku e libertat di nabegashon a haña su mes fuertemente afektá den Golfo. De un kombersashon na ingles ku e promé minister griego, Kyriaks Mitsokis, Macron a papia di “un presidente norteamerikano, un presidente ruso i un presidente chines” kendenan ta “ferosmente kontrario na europeonan”. Ounke el a parse di ta pone Donald Trump, Vladimir Putin i Xi Jinping den e mesun kategoria di oponentenan di Kontinente Bieu, tambe el a subrina ku e presidente di Merka ta sigui ta un “aliado”, ounke no semper e ta “konfiabel” òf “previsibel”. “Esaki por ta e momento europeo”, segun Macron, reafirmando manera el a bin ta bisa for di komienso dje aña’ki, ku Union Europeo ta sosio “ku por konfia” i “previsibel”.
Di su parti, Mitsotakis a referí na e kompromiso di paisnan dje bloke pa yuda otro mutuamente “den kaso di posibel menasa”, manera ta stipulá den Tratado di Union Europeo. “Nos no ta apoyá solamente riba OTAN, sino tambe e echo ku tin un dimenshon europeo fuerte”, el a bisa refiriendo na Chipre.
Na komienso di mart, vários barku europeo, inkluyendo un franses i unu griego, a mobilisá ora ku un base britániko situá den Chipre a keda alkansá pa un bombardeo, den kuadro dje guera di Medio Oriente. Djasabra, tur dos mandatario lo mester trata e konflikto i e bloke ku e kanal di Ormuz ta sufri, tantu di parti di Iran komo di parti di Mera, loke no ta bon pa ekonomia mundial.
