PARIS, FRANSIA (AFP).- E presidente franses, Emmanuel Macron, a reklamá e promé minister israelí, Benjamin Netanyahu, ku tin “demasiado pèrdidanan sivil” den Gaza i a rekord’é riba e “nesesidat apsoluto di distinguí entre e teroristanan i e poblashon”.
Dje situashon den Cisjordania okupá, e hefe di estado franses a bisa na Netanyahu di “su preokupashon serio pa e oumento di violensia kontra di sivilnan palestino” i a pidié pa aktua “pa evitá ku e violensia ei ta propagá su mes i pa mantené kalma”.
Macron mas aleu a toka e punto ei durante di un kombersashon ku e presidente di Outoridat Palestina, Mahmud Abas, serka kende el a “kondená e violensia kometé kontra di sivilnan palestino”na Cisjordania.
Den mesun rosea, Emmanuel Macron a mustra Netanyahu riba “e importansia pa yega na un tregua humanitario inmediato ku ta kondusí na final dje guera”.
E guera entre Israel i e movementu islamita palestino Hamas a start dia 7 di òktober pa e atake sin presedente di parti di e movementu islamita palestino Hamas riba suela di Israel, ku a laga 1.200 morto.
Komo reakshon, Israel a lansa un ofensiva ku e meta pa eliminá Hamas, pero miéntras tantu nan a mata i 13.000 hende, inkluyendo 5.500 mucha.
