CARACAS, AP.- Presidente Nicolas Maduro a akusá oposishon di promové sanshonnan ekonómiko ku Merka a pone pa evitá ku institushonnan finansiero ta drenta den akuerdonan nobo ku Venezuela i a pidi pa nan wòrdu sentensiá pa traishon.
E mandatario venezolano a bisa ku e medidanan a generá “gran daño ekonómiko i finansiero den Venezuela”.
Maduro a pidi Interpol pa detenshon di opositornan ku ta den estranhero i mesora a menshoná legislador opositor Julio Borghes komo un di e figuranan tras di e sanshonnan aki.
E gobièrnu di Donald Trump a pone mas sanshon finansiero kontra Venezuela, entre un di nan, prohibishon pa bankonan di Merka realisá transakshonnan nobo ku gobièrnu òf ku PDVSA.
Sin embargo, reflehando e prizòn di e industria petrolero merikano, esaki no ta un interupshon di eksportashon di petroli venezolano pa Merka, kual ta krusial pa ámbos nashon.
Kas Blanku a señalá den un komunikado ku e sanshonnan a “wòrdu determiná kuidadosamente pa retirá un fuente krusial di finansiashon pa mantené su régimen legítimo, protehá e sistema finansiero merikano i permití yudansa humanitario”.