Sostenedónan di presidente Maduro protestando na New York
NEW YORK, MERKA, AFP.- Presidente venezolano Nicolas Maduro a paresé den korte na New York ku un smail riba su kara. E no a papia i esaki tabata su di dos aparishon despues ku Merka a kaptur’é.
Durante un oudiensia ku a dura algu mas ku un ora, hues a bisa ku e no tin intenshon di kanselá e proseso i akusashonnan kontra Maduro, pa fayonan durante e proseso. E abogadonan di Maduro a hasi e petishon aki.
Maduro di 63 aña, ta detené pa narkotráfiko, huntu ku su kasá Cilia Flores di 69 aña. Nan ta detené den un prizòn na Brooklyn ya pa tres luna kaba.
Maduro a goberná Venezuela desde mart 2013. Despues di su kaida, e presidente interino Delcy Rodriguez a restablesé relashon ku Merka, bou di preshon di Trump.
