GUAYARAMERIN, Bolivia.- Na e playanan na frontera djis serka dje riu Mamoré, desena di biahero ta subi i baha for di botonan sin ku nan ta para pa un kòntròl migratorio di Guayaramerin, un dje hafnan di entrada di mafia brasilero ku ta ekspandé su violensia den Bolivia.
“Nunka ningun hende ta listra e pasaheronan”, segun Donald Somoza, un hòmber di 75 aña ku ta biba serka den haf amazóniko i ku ta biba dje komersio ku Brasil. E siudat chikitu di 40.000 abitante ta parse di ta kalmu durante dje kalor intenso di dia. Pero e abitantenan ta denunsiá un inseguridat ku ta kresiendo.
Segun gobièrnu Boliviano, Guayaramerin, manera otro lokalidatnan na frontera ku Bolivia, a bira un “refugio” di “Primeiro Comando de Captal” (PCC) i di “Comando Vermelho” (CV), gèngnan brasilero ku ta enfrentá otro pa e kontrol di e hafnan via kua ta transportá kokaina pa Atlántiko.
Un dozein di asesinatonan atribuí na e gèngnan aki a sorprendé e pais den último simannan, sigur teniendo kuenta ku no ta normal ku tin krímen den e área ei. Pero siman pasá tabatin asesinato di hinter un famia, tambe a deskubrí kurpanan sin kabes mientras ku a mata un polis.
Segun Somoza ku e parti mas kruel tabata esun di algun siman pasá na momento ku un viktima a risibí 80 tiru for di armanan di kandela den un supuesto asuntu di reglamentu di kuenta relashoná ku droga.
“Esaki ta un fenómeno bastante nobo na Bolivia. “Un pais ku te ku algun aña pasá no tabatin tantu violensia”, segun e investigadó Joaquin Chacin, spesialista den krímen organisá.
E gèngnan di narkotráfiko ántes tabata traha ku otro mientras ku Estado tabata bira kara i asina evitá un eksploshon di violensia. Pues tabatin sierto “akuerdo mafioso di pas”, loke ya no ta e kaso.
