E tenistanan hubenil di Kòrsou ayera, djaluna 25 di yüni 2018, no tabatin un bon dia durante kontinuashon dje torneo TIHTA Open na Aruba. Despues ku nan a skor bon den wikènt tras di lomba, nan no a logra pasa pa e próksimo buelta dje prestigioso kompetensia.
Riba e di tres dia di kompetensia di TIHTA Open 2018 djaluna un total di 46 enkuentro a keda hungá. E torneo ta keda efektuá riba kanchanan di Aruba Racquet Club na Rooi Santu 21.
Den kategoria femenino U14 Gibelle Beaujon i Sarah Nita a mira’tras riba bon prestashon den wikènt i a klasifiká pa ‘main draw’. Tur e dos tenistanan aki ta miembro di ABC Tennis Travel Team. Djasabra Beaujon a gana di Zahra Nissa ku 6-2 i 7-5, miéntras ku Nita a superá Xianne Sillie ku 6-3 i 6-2.
Beaujon djadumingu a gana di Mira Roga di Aruba ku 6-0 i 6-0, miéntras ku ela pèrdè di Sofie van Reek di Aruba ku 2-6 i 5-7. Oriana Izarra di Venezuela a gana di Nita ku 6-4 i 6-0, miéntras ku despues Nita a superá Tashima Marsera di Aruba ku 6-0 i 6-0.
Ayera djaluna sí kosnan no a kana manera den e weganan preliminar. Oriana Izarra di Venezuela a superá Gibelle Beaujon den dos sèt: 6-1 i 6-1. Sarah Nita a gana e promé sèt di Sofie van Reek di Aruba ku 6-3, pero despues a pèrdè e dos sigiuente sètnan ku 2-6 i 2-6.
Den kategoria maskulino U14 Jaden de la Fuente i Enzo Maduro tambe a presta bon den wikènt i logra pasa pa e ‘main draw’. Tur dos ta miembro di ABC Tennis Travel Team.
De la Fuente a gana primeramente di Abhay Daswani (AUA) ku 6-3 i 6-2, despues di Jesse van Dijk (AUA) ku 6-0 i 6-0 i finalemente tambe di Fabian Herrera (VEN) ku 6-2 i 6-3. Maduro a superá ku skornan di 6-3 i 6-0 Lorenzo Herrera (VEN) i despues a gana ku dos biaha 6-0 di Zair Croes (AUA), miéntras ku ela pèrdè di Sebastian Ruiz (AUA) ku 1-6 i 1-6.
Maduro ayera djaluna tabatin menos suerte i despues di un lucha tenás den promé sèt, a pèrdè esaki tòg ku 5-7 di Abhay Daswani (AUA). Finalmente e hungadó di Kòrsou a pèrdè tambe e di dos sèt ku 0-6. De la Fuente tabatin liber den e promé buelta i ta hunga awe djamars kontra Gijs Fidler (AUA).
Den bueltanan di konsolashon femenino U14 e sigiuente resultadonan a keda registrá: Zahra Nissa (CUW) vs Tashima Marsera (AUA) 6-1 i 6-1; Xianne Sille (CUW) vs Mira Roga (AUA) 6-0 i 6-0. Den maskulino U14: Zarek Badillo (CUW) vs Neng Jieng (AUA) 6-0 i 6-1; Dejean Francees (BON) vs Alexander Pieters (AUA) 6-3 i 6-3.
Den kategoria femenino U18 e sigiuente resultadonan a keda registrá: Ana Sofia Jaramillio (CUW) vs Daphne Sommer (CUW) 7-6 (tiebreak 7-3) i 6-0, Madison Sieg (USA) vs Zima Gomez Osorio (CUW) 6-3 i 6-2, Tara Malik(USA) vs Gabriela Singer (CUW) 6-2 i 6-2. Awe djamars Ana Sofia Jaramillo ta hunga kontra Sasha Wood (USA).
E resultadonan den kategoria femenino U18 ta lo sigiuente: Quintan van Wijk (CUW) vs Kevin Tarzagaray (AUA) 7-5 i 6-2, Murphy Cassone (USA) vs Gianluca Beaujon (CUW) 6-2 i 6-0, Jc Roddick (USA) vs Nathan Leroy Shawn Recao (CUW) 6-0 i 6-4, Sam Scherer (USA) vs Xaveam van Wijk (CUW) 6-1 i 6-0 i Max Hartenstein (GER) vs Noah Martis (CUW) 6-3 i 6-2. Awe djamars Quintan van Wijk ta hunga kontra Kenta Nakamura (JPN).
