Mal tempu a kousa hopi daño na vèlt di Marchena

WILLEMSTAD.– E mal tempu ku a asotá nos isla a okashoná daño na vários sitio. E vèlt di beisbòl di Marchena, Parke Shon Ki Nicasia, a sufri daño inmenso ora ku dak di e kompleho a kita bai por kompleto. Un dak ku no muchu tempu pasa a keda renobá. Tabatin vários otro daño na e kompleho kual ta kuna di vários di nos peloteronan ku a i ta destakando for di den Little League te ku Liga Grandi. E organisashon di Marchena ta hasi un yamamentu na un i tur ku por yuda den kualke forma pa drecha e vèlt i pone den un kondishon sin peliger ku kual por sigui train e hubentut ku stima e deporte di beisbòl. Pa mas informashon por tuma kontakto ku Rubelin Nicasia na 521-4253.