WILLEMSTAD.- Ayera mèrdia sentral di polis a risibí informashon ku lo mester tin dos tipo den un pikòp blanku ku a kaba di saka bateria di un otro vehíkulo den área di Otrobanda, pa ta eksakto den Brionweg.

Unidatnan di polis ku a yega lihé den e área a señalá e vehíkulo, pero e shofùr a drenta un hanchi i tantu e shofùr komo su okupante a baha bai laga e pikòp di start riba un plenchi na Kura di Shon Fiel. Ora a bai chek den e pikòp, a topa ku vários piesa di vehíkulo i otro artíkulonan ku posiblemente ta prosedente di ladronisia.

A konfiská e pikòp i bai ku esaki warda di polis pa asina wak si e pikòp tambe lo por ta prosedente di ladronisia.

LAGA UN KOMENTARIO

Please enter your comment!
Please enter your name here