Update: Malechornan a rementa otro ATM mas den area di Sta. Rosa

WILLEMSTAD.- Gerensia di RBC Bank Kòrsou ta hasiendo nan investigashon den kolaborashon estrecho ku polis. RBC ta lamentá i desaprobá e kaso aki, asina sra. Hanneke Stomp a deklará na EXTRA. Manera ta konosí awe den oranan di mardugá, banda di mitar di sinku sentral di polis a haña informashon ku deskonosínan a trata na eksplotá e mashin di plaka di RBC Bank na Sta.Rosa. Algun tempu pasa a eksplotá e otro mashin di plaka, di un otro instituto finansiero djis pega einan.

Imro Zwerwer, bosero di polis tambe ta sigui splika ku e informashon disponibel ta ku e deskonosínan a hui den un outo shinishi despues di nan akto. EXTRA a tuma nota di un outo kimá no muchu leu for di e lugá unda a eksplotá e mashin di plaka di RBC. Polis ta kere ku ta trata di e outo ku e deskonosínan a usa pa yega na e sitio. Aparentemente den e outo aki tabatin un silinder di gas i esei lo a eksplotá tambe. Polis ni RBC no por a bisa kuantu sèn ni kuantu lachi ku plaka e malechornan a bai kuné. E investigashon ta kanando.

Malechornan a rementa otro ATM mas den area di Sta. Rosa
Tambe a kima un SUV prosedente di ladronisia ku a keda usa durante nan akto. Investigashonnan ta tumando luga na e sitio. Asina tin mas informashon, EXTRA lo duna mas detaye

SHARE

LEAVE A REPLY