BUFORD, GEORGIA, MERKA, AP.- Polis a haña un maleta ku e kráneo i wesunan di un muhé na kantu riba karetera na nort di Atlanta. Asina a wòrdu informá djabièrnè.
Un obrero di konstrukshon a realisá e deskubrimentu dia 29 di yüli, segun polis a informá.
Polis di kondado Gwinnett a deskribí e prendanan komo: un suèter pretu ku imágen di Miley Cyrus, karson pretu di marka Victoria’s Secret ku e logo di “Love Pink” i sapatu deportivo ros di marka Nike Air Max Cage di 2014.
Ekspertonan forense ta opiná ku ta trata di un muhé di rasa hispániko òf di rasa miksto, i di entre 20 pa 30 aña di edat. Ta kalkulá ku el a fayesé seis luna pasá.
Polis ta ofresiendo un rekompensa di 2.000 dòler pa kualkier informashon ku ta hiba na kaptura di esun responsabel pa e akto aki.
