MALTA, AP.- Kuater pais di Union Europeo a akordá pa risibí e 64 migrantenan reskatá 10 dia pasá pa un boto di un ONG dilanti kosta di Libia i kual a keda riba laman desde e dia ei. E anunsio di Malta djasabra, a terminá tur stankamentu pa ku e tema aki.

E migrantenan, kual lo wòrdu trasladá pa botonan maltes i transportá pa haf, kaminda nan ta wòrdu distribuí pa Alemania, Fransia, Portugal i Luxemburg, segun splikashon di outoridat di Malta.

Sinembargo, Alan Kurdi, e boto di ONG Sea-Eye ku a reskatá nan i kual tin bandera aleman, no por ankra na puertonan di e pais, segun indikashon di e gobièrnu di Malta. Ningun di e migrantenan lo keda den Malta, asina el a agregá.

Malta a indiká ku no por permití botonan di reskate pa drenta, agregando ku e aktividat aki lo motivá trafikantenan di persona na Libia.

E grupo di yudansa humanitario aleman Sea-Eye a keha di e kondishonnan malu ku e migrantenan tabata aden. Dos dama a wòrdu evakuá riba e último dianan pa problema ku salú.

E minister di Interior italiano, Matteo Salvini, kende a rechasá e pedidonan pa permití e boto pa ankra den hafnan di e pais, a elogiá e solushon aki.

LAGA UN KOMENTARIO

Please enter your comment!
Please enter your name here