VALLETTA, MALTA, AP.- Huyendo di un tormenta ku tabata aserkando, barkunan militar di Malta a transportá 49 migrante pa e pais. E pais a logra yega na un akuerdo pa personanan ku buska asilo wòrdu distribuí entre ocho miembro mas di Union Europeo. E migrantenan tabata den un limbo, bibando riba diferente boto di reskate privá debí ku nan no por a drenta e pais.

E akuerdo a pone fin na e situashon ku a mantené e migrantenan pegá riba e botonan di reskate miéntras gobièrnunan europeo tabata negoshá kua pais lo risibí e migrantenan. Un barku operá pa e grupo di reskate aleman Sea-Watch a rekohé 32 persona 22 di desèmber. Un otro grupo humanitario, Sea-Eye, a reskatá 17 persona dilanti e kosta di Libia riba 29 di desèmber.

“Despues di 19 dia riba laman, nos invitadonan a yega un haf safe”.

E akuerdo anunsiá pe promé minister Joseph Muscat a indiká ku e botonan no por yega hafnan di Malta. Na lugá di esaki, e pakto ta pidi pa e migrantenan wòrdu transportá na bordo di botonan militar pa e isla.

Ademas, e akuerdo ta stipulá ku otro paisnan tambe mester risibí gran parti di e 249 migrantenan ku a wòrdu reskatá na final di desèmber.

Migrantes desembarcan en Hay Whart, Pieta, Malta, el miércoles 9 de enero de 2019. (AP Foto/Rene Rossignaud)

LAGA UN KOMENTARIO

Please enter your comment!
Please enter your name here