BOSTON, MERKA, AFP.- Sentenáres di hende a protestá djadumingu den Boston kontra un lei nobo ku ta outorisá vakuna kontra grip pa tur studiante. E medida aki ta pa suavisá impakto di e pandemia di Corona vírus.

Massachusetts ta e promé estado ku a agregá e vakuna di grip riba e lista obligatorio di vakuna pa studiante riba 19 di ougùstùs. Mas o ménos 70% di e estado su skolnan lo habri bèk den otoño, algun luna despues ku tur skol a sera komo kousa di e pandemia.

E manifestantenan a protestá pasifikamente kontra e regla nobo, indikando ku esaki ta un asalto kontra nan derechi individual. Algun manifestante a bisa ku ta “e mayor su desishon pa disidí tokante vakuna di nan yu, spesialmente esun di grip kual no ta safe, nesesario ni efektivo”.

Ofisialnan a bisa ku e vakuna di grip lo evitá ku e krísis di salú ta sigui deteriorá komo kousa di e pandemia.

LAGA UN KOMENTARIO

Please enter your comment!
Please enter your name here