Míles di trahadó den enseñansa na México den wèlga i manifestashon e dianan aki, nèt den e siman di Mundial di FIFA.
CIUDAD DE MEXICO (AFP).- Míles di maestro di skol ayera a blòkia e avenida ku ta kondusí na Estado Azteca, den Ciudad de México, na momento ku tabata falta 48 ora pa inougurashon di Mundial 2026 den e stadion en kuestion. E mobilisashon a keda konvoká pa un grupo di disidente dje sindikato di edukashon, CNTE, ku for di siman pasá ta enkabesá protestanan kaótiko den e kapital mehikano.
Stadion Azteca djaweps lo ta esenario pa inougurashon di Mundial ku e partido entre México i Suráfrika. “Nos ta pretendé pa yega e stadion”, segun Angel Villaoboso, un dje dosentenan ku ta marcha pa eksigí oumento di salario i pa drecha e lei di penshun, ku gobièrnu di su parti ta konsiderá di ta hopi bon.
Outoridatnan a pone míles di polis riba kaya, pone barínan den kaya i a hasi tur loke ta posibel pa stroba e paso dje marcha. Presidente di México, Claudia Sheinbaum, a garantisá mas trempan ku e seremonia di apertura “ta garantisá” i a deskartá e uso di polis pa reprimí e manifestantenan.
“Nos ta mira e situashon komo un provokashon pa bisa, mira kon malu e situashon ta na México”, segun Sheinbaum a bisa. “Na México no tin problema, sino hopi problema i nos ta atendé ku eseinan”, di akuerdo ku e presidente.
