BOGOTA, COLOMBIA, AFP.- Alrededor di 500 persona di un sindikato di profesor a purba drenta den Kongreso Nashonal di Colombia djamars pa eksihí mehorashonnan den e sistema di salubridat, segun indikashon di e Sekretaria di Seguridat di Bogotá.
Hòmbernan i muhénan bistí a purba drenta e instalashonnan di Kongreso di e Repúblika, segun un rapòrt di e sekretaria kual AFP a haña.
Rápidamente e manifestashon a baha i esaki a bira un fiesta ku músika i kantikanan segun indikashon di periodistanan di e agensia.
Mas trempan, manifestantenan a yega te na e último puesto di seguridat, algun ku palu, pero nan a keda detené pa polisnan segun videonan publiká pa medionan di komunikashon.
Djamars Kongreso a kontinuá normal, pa papia di e reformanan ku e gobièrnu iskierdista di Gustavo Petro a impulsá.
E manifestantenan, ku a bisa ku nan a yega e kapital desde departamento di Cauca, a ninga ku nan a purba drenta Kongreso Nashonal.
