WARSAW, POLONIA, AFP.- Diferente manifestante a purba impedí djabièrnè ku polis polako ta purba detené un aktivista di derechi LGBT na Warsaw despues ku kore a duna òrdu pa deten’é durante dos luna.
E aktivista, identifiká komo un muhé ku yama Margo, a wòrdu transportá pa korte, i ta akusá di vandalisá un vehíkulo ku palabranan ‘homophobe’ den yüni na Warsaw. Ademas, el a pusha un voluntario di un fundashon anti aborto i tambe doño di e vehíkulo.
E vehíkulo di e asosiashon “Fundashonderechi di bida” ta sirkulá frekuentemente den sentro di Warsaw, i ta kubri bòrchinan asosiá ku aktonan homoseksual òf pedofil.
“E multitut a impedí akshon di polis”, asina polis di Warsaw a publiká riba Twitter despues ku míles di manifestante a blòkia un outo di polis transportando Margo.
