TIRANA, ALBANIA, AFP.- Polis mester a usa gas lakrimógeno pa plama manifestantenan dilanti di parlamento na Albania. E protesta tabata kontra un proyekto turístiko relashoná ku famia Trump.
Desde fin di mei, míles di albanes a protestá tur dia kontra konstrukshon di un edifisio grandi di hotèl riba un reserva natural na kosta. E proyekto ta vinkulá ku Ivanka Trump. Yu muhé di presidente Donald Trump i Ivanka su kasá, Jared Kushner.
Den e último simannan ku a pasa, manifestantenan enfrentá ku polis dilanti di Parlamento den e kapital Tirana, i a purba tira webu riba diputadonan.
Segun sientífikonan i aktivistanan, e promé obranan di e proyekto ya a kousa dañonan ireparabel den un zona na kosta ku tabata intakto. Aparte di esaki e proyekto a destruí sitionan kaminda paranan i turtuganan ta pone webu.
