Riba e potrèt por mira parti di e manifestashon na Venezuela
CARACAS, VENEZUELA, AFP.- Kantidat grandi di trahadó i penshonadonan a marcha ayera den kayanan di Caracas pa eksihí un oumento di salario “di hamber” i e penshonnan “di morto” ku ta di fris for di kuater aña pasá miéntras preisnan a sigui subi.
E salario mínimo di Venezuela ta ekivalente aktualmente na 28 sèn dòler miéntras ku inflashon anual a superá 600%. E último ahuste a keda dekretá na 2022 pa Nicolas Maduro, ku a keda kitá for di puesto dia 3 di yanüari den un operashon militar Merikano.
“Esaki ya no ta salario”, asina Pilar Navarro penshonado di 72 aña a bisa. “Kiko lo por hasi ku e penshun akí ku no ta alkansá pa nada. Si no ta pa mi yu ku ta yuda mi, mi no por kumpra mi remedinan”.
Aunke e entrada por yega te 150 dòler ku bononan estatal, e ta sigui ta insufisiente kompará ku 645 dòler ku segun kalkulashonnan privá, un makutu básiko di kuminda pa un famia ta kosta.
“Free the salario”, asina por a lesa riba bòrchinan di e manifestashon ku nan a kambia enbes di “free maduro” ku a keda usá pa chavismo pa pidi libertat di e èks mandatario será na New York.
