WILLEMSTAD.- Pueblo di Kòrsou a disfrutá ayera di un tremendo Marcha di Seú 2025. Task Force Seú a koordiná i gruponan a presentá un marcha kolorido, ku hopi ambiente musikal, koreografia i un ambiente sin igual.
Masha hopi hende a para, sinta, baila, gosa kantu di kaya miéntras gruponan tabata pasa bou di animashon musikal.
Gobiòrnu di Kòrsou i Task Force Seú 2025 a boga pa den union nos selebrá kosecha i esei a keda logra. No opstante e temporada kòrtiku pa organisá i prepará, gruponan si no a warda pa e anunsio di ken ta organisá pero a prepará i ayera nos a mira e resultado. Gruponan tabata nèchi akabá i gruponan rítmiko huntu ku DJ-nan a saka kara ku e animashon musikal.
Riba potrètnan nos por apresiá diferente momentu durante di e Marcha di Seú 2025.
