Marcha Hubenil tin su embahadornan pa Karnaval 2019

... Reina Hubenil 2019: Kydionna Polonius ...

WILLEMSTAD.- Elekshon di embahadornan hubenil pa Karnaval 2019 a tuma lugá ayera tardi den Foodcourt di Sambil. 7 kandidata pa Reina i 3 duo pa Prens i Pancho a trese un tremendo show.

Premiashon Reina
Reina Simpatia i Reina Trahe Mas Kreativo Hubenil 2019 a bai pa Rishona Rosaria. Reina Popular i Reina Hubenil Talento a bai pa Kydionna Polonius, Trahe Mas Impaktante Hubenil a resultá Dianthely Pourier.
Di dos finalista a bai pa Euchena Hamen, promé finalista: Dianthely Pourier i komo Reina Hubenil Karnaval 2019 a resultá Kydionna Polonius.

Prens i Pancho Hubenil
Duo Amistoso, Nedion Sluis i Reywentley Koeiman, Duo Mas Popular, Duo Talento i Duo Trahe Mas Impaktante a bai pa Haydrion Hooi i Angel Gomez. Trahe Mas Kreativo a resultá Jurnick Polonius i Giendrick Martina.
Di dos finalista a bai pa Nedion Sluis i Reywentley Koeiman, promé finalista, Jurnick Polonius i Giendrick Martina i komo Duo Prens i Pancho Hubenil 2019 a keda korona Haydrion Hooi i Angel Gomez. Pabien i disfrutá di boso temporada di Karnaval Hubenil 2019.

SHARE

LEAVE A REPLY