SAN JUAN, AP.- Puerto Rico ya tabata den un situashon difísil promé ku e tormento debí na un krísis ekonómiko ku a kuminsá un dékada pasa. E krísis a kita mas profundo ku e Gran Reseshon riba e teritorio kontinental. Awor kasi 3,4 mion persona riba e isla ta sin elektrisidat meimei di un pesimismo generalisá riba e futuro di  e isla i riba si mester spera yudansa.

Riba kayanan, yen di rama di palu, kabel di elektrisidat tira, ta fásil pa haña portorikeñonan purbando di disidí si nan mester Sali di e pais, pa uni 450.000 konnashonal ku a muda pa e teritorio kontinental den último dékada en buska di un mihó futuro.

Anama Yendez, di 44 aña, a kalifiká e situashon di krísis, miéntras e tabata karga su nietu di dos luna.

Maria, e orkan mas fuerte ku a kastigá e isla den kasi un siglo, a kousa inundashonnan i deslave i kual a ruina e ret eléktriko i telekomunikashon, a laga mayoria famia riba e teritorio kontinental ansioso i sperando pa tende di nan famianan na Puerto Rico.

Outoridat a konfirmá ku por lo ménos seis persona a muri, pero ainda ta evaluando e dañonan i tabata purbando di yega na komunidatnan ku a keda sin komunikashon pa e tormenta.

LAGA UN KOMENTARIO

Please enter your comment!
Please enter your name here