CIUDAD DE MEXICO (AFP).- Marina di México a reskatá 28 hóben, kasi tur menor di edat, riba un boto den Pasífiko, dilanti di kostanan dje estado di Sinaloa, segun outoridatnan a informá.
Ministerio públiko di Sinaloa a bisa ku 27 di esnan reskatá ta entre 14 i 17 aña di edat i un tin18. El a agregá ku nan ta bini di e estado di Chiapas, den zùit di e pais na frontera ku Guatemala.
Tur e hóbennan a keda bou di kuido di Sistema Nashonal Integral di Mucha- Adolesentenan “ku e meta pa duna nan atenshon i protekshon integral, miéntras ku ta determiná nan situashon hurídiko”. No tin detenshon den e kaso.
Segun e korant mehikano Reforma, e boto tabata yegando e haf di Topolobampo, den e munisipio di Ahome, den Sinaloa i e hóbennan supuestamente lo tabata privá di nan libertat. Outoridatnan no a spesifiká si e menornan ta mehikano òf strañero ni tampoko kon bini nan tabata den e situashon ei.
