WILLEMSTAD – Wardakosta ta informá ku djadumingu anochi  e barku di marina, Zr. Ms. Zeeland a duna asistensia pa un boto sospechoso nort di Boneiru. Na yega da serka e Go-Fast esaki no a sigui òrdu pa para i mesora a despachá un helikòpter i dos boto chikí den direkshon di e Go-Fast pa interseptá esaki. A bolbe duna òrdu pa para pero e tripulantenan a kuminsá benta e bulto nan for di e Go-Fast i mesora e helikòpter a los tiru di atvertensia i seguidamente a logra para e Go-Fast ora ku a basha bala riba e motor di e boto pa desabilitá esaki. A bin lokalisá komo 12 bòltu ku ta alrededor di 600 kilo di posiblemente kokaina. Despues marina a hundi e Go-Fast ya ku esaki no tabata den bon estado mas. Tantu e sospechoso nan komo e droga konfiská a keda transladá pa Kòrsou.

LAGA UN KONTESTA

Please enter your comment!
Please enter your name here