PINE VALLEY, CALIFORNIA, MERKA, AP.- Apesar ku California lo legalisá  e uso rekreativo di mariwana desde promé di yanüari, outoridat federal lo sigui konfiská e droga i realisá detenshonnan na frontera den estado ku frontera na Mexico.

E poseshon di mariwana lo wòrdu kastigá na ocho puesto di kontròl di kaminda manehá pa Patruya na Frontera ku California. Na nivel federal, mariwana ta wòrdu konsiderá komo un sustansia kontrolá manera heroina òf LSD.

Patruya na Frontera ta operá 34 puesto di kontròl permanente a lo largo di frontera ku Mexico i 103 “puesto táktiko”.

Leinan federal i estatal riba mariwana ta den konflikto desde ku California a kombertí den e promé estado pa legalisá e droga pa uso médiko na 1996. Desde otro siman, California lo uni seis estado mas i siudat di Washington D.C., den legalisashon di narkótiko ku intenshon rekreativo.

E sekretario di Hustisia Jeff Sessions, un opositor fuerte den legalisashon di mariwana, a bisa luna pasá ku ta hasiendo un estudio ekshoustivo riba efektividat di e leinan aktual, dunando indikashon ku lo tin un postura mas fuerte kompará ku esun asumí pa gobièrnu anterior di Barack Obama.

 

LAGA UN KOMENTARIO

Please enter your comment!
Please enter your name here