NEW YORK, MERKA.- Mark Wahlberg a pasa Dwayne Johnson i kombertí su mes den e aktor mihó pagá di último aña na Hollywood, esaki ku un entrada di 68 mion dòler, segun revista Forbes.
E aktor di ‘Transformers: The Last Knight’ a superá Johnson di ‘Baywatch’ ku a logra 65 mion dòler di entrada i Vin Diesel ‘The Fate of the Furious’ ku a gana 54.5 mion dòler.
Pa kompletá e promé 5 puestonan ta sigui Adam Sandler ku danki na un akuerdo ku ‘Netflix’ a logra 50.5 mion na entrada i Jackie Chan ku 49 mion.
E 10 aktornan mihó pagá huntu a akumulá 488.5 mion dòler, kasi tres biaha mas tantu ku e total kombiná di e 10 aktrisnan mihó pagá ku tabata 172.5 mion dòler.
Tur e datonan aki ta di e periodo di promé di yüni 2016 pa promé di yüni 2017, promé ku kobra belasting.
Na puesto 6 a keda: Robert Downey Jr. ku 48 mion, 7. Tom Cruise ku 43 mion; 8. Shah Rukh Khan ku 38 mion; 9. Salma Khan ku 37 mion i na puesto 10. Akshay Kumar ku 35.5 mion dòler na entrada.
