RABAT, MAROKO, AFP.- Un korte di apelashon marokano a sentensiá 12 migrante sudanes na 3 aña den prizòn despues ku un grupo grandi di migrante a purba krusa frontera riba 24 di yüni kaminda 12 migrante a muri, segun indikashon di un grupo di derechi djabièrnè.
Alrededor di 2.000 persona, di kual mayoria tabata sudanes, a kore subi e wayanan ku ta separá e fronteranan riba 24 di yüni, den un intento pa drenta Spaña.
Gruponan di derecho humano a akusá forsanan di seguridat marokano i spañó ku uso eksesivo di forsa, ku a laga por lo ménos 23 migrante morto.
E grupo di derecho AMDH a bisa ku e 12 migrantenan lo keda enkarselá durante tres aña, despues ku a deklará nan kulpabel pa drenta teritorio marokano di forma ilegal i pa “uso di violensia kontra ofisialnan”.
Desde e tragedia aki, outoridatnan di Maroko a sentensiá desénas di migrante ku kondenanan di te ku dos aña i mei den prizòn.
E enklavenan spañó di Melilla i Ceuta ta un destinashon pa mayoria persona ku ta hui di violensia i pobresa den Afrika i buska refugio den Europa.
