IGHRANE, MAROKO, AFP.- Un multitut enorme a tuma despedida di Rayan, e mucha hòmber marokano di 5 aña ku a pasa sinku dia pegá den fondo di un pos. E insidente a kousa un operashon enorme di reskate ku a haña atenshon internashonal, pero ku a kulminá den un tragedia.

Sentenáres a bishitá e santana na nort di Chefchaouen, algun kilometer di e sitio di e aksidente.

E mucha hòmber a kai den un pos smal di 32 meter hundu i seku siman pasá djamars. Esaki a kousa un operashon kompliká pa purba saka e mucha sin kousa ku e tera ta kolèps.

Ekiponan di reskate a saka Rayan djasabra anochi, pero nan alegria a bira tristesa despues ku gabinete royal di e nashon norafrikano a anunsiá ku Rayan a fayesé.

Rei Mohammed VI a yama mayornan di Rayan pa ekspresá su kondolensia.

LAGA UN KOMENTARIO

Please enter your comment!
Please enter your name here