CARACAS, Venezuela (AFP).- Denunsia di opositornan i dirigentenan di sosiedat sivil detené na Venezuela a multipliká, na víspera di protestanan konvoká kontra e Presidente Nicolas Maduro, ku djabièrnè awor lo asumí un di tres mandato konsekutivo.
Oposishon, liderá pa Maria Corina Machado, ta akusá Maduro di a “hòrta” e elekshonnan di dia 28 di yüli i a hasi un yamada riba mobilisashon pa awe rònt e pais ta na fabor di Edmundo Gonzalez Urrutia, kende ta reklamá e viktoria dje elekshon di aña pasá.
Di su parti, Maduro a anunsiá ayera e kaptura di “un funshonario haltu di FBI” i “un funshonario militar haltu” norte-amerikano entre un grupo di shete ‘mersenario’ ku supuestamente ta vinkulá ku un kòmplòt di Washington.
For di djamars anochi a registrá un kantidat di denunsia di detenshonnan, ku por lo ménos diesdos aresto. Entre nan ta figurá Carlos Correa, konosido aktivista dediká na defensa di libertat di ekspreshon i Enrique Marquez, un kandidato opositor minoritario den e elekshonnan presidensial kende sin éksito a bringa dilanti di Korte Supremo e echo ku esaki a hasi ofisial e re-elekshon di Maduro.
Maduro, na poder for di aña 2013, a anunsiá un “plan di defensa” ku akshon masivo di militar- i polisnan.