Un persona limpiando buts di trahadónan di salú di Sentro di Tratamentu pa Ébola na Ituri
GENEVA, SUISA, AFP.- E brote di Ébola deklará den mei a kousa mas di 1.000 morto den e Repúblika Demokrátiko di Congo i Uganda, segun indikashon di Organisashon Mundial di Salú (OMS).
A konfirmá 2.473 kaso di e vírùs, inkluyendo 999 morto, den e Repúblika Demokrátiko di Congo. Na Uganda a registrá 20 kaso, ku dos morto, segun datonan ofisial di OMS.
A deklará e di diesshete brote di Ébola den Repúblika Demokrátiko di Congo riba 15 di mei, despues di vários morto na Ituri. Ainda e infekshonnan ta konsentrá den e provinsia aki na nortost.
Algun persona ku a muri a keda derá pa nan famianan sin medidanan di protekshon, loke a aselerá propagashon di e vírùs.
