Un grupo di hóben bulando for di brùg na Lyon, sùit di Fransia
BARCELONA, SPAÑA, AFP.- Mas di 100 mion persona Europeo na Europa ta soportando temperaturanan riba 35 grado Celsius meimei i un ola largu i mortal di kalor. Segun un instituto sientífiko
di Spaña, esaki a laga mas di 200 morto den e pais.
E ola di kalor a provoká temperaturanan rèkert den vários pais den luna di yüni. Na Fransia a registrá e dos anochinan di mas kalor den historia di e pais. Paris a habri su parkenan den oranan di anochi pa yuda e pueblo soportá e kalor.
E alkalde di Paris, Emmanuel Gregoire a informá djaweps ku e kantidat di mortonan a subi den e siudat, kaminda tèrmometernan a superá 40 grado Celsius pa di kuater biaha den 150 aña.
E Ministerio di Salú a reportá 25 atake di kurason den 24 ora. Normalmente e siudat ta registrá 10 atake di kurason pa kada 24 ora.
Aparte di esaki, e pais a registrá vários kaso di personanan ku a hoga den áreanan ku no tabata destiná pa landa, i tres mucha a fayesé despues ku nan a keda será den e kayente den outo.
E instituto meteorológiko di Ulanda a emití pa promé biaha un alerta kòrá pa kalor ekstremo ku ta vigente awe den gran parti di e pais.
Pa purba kontené e efektonan di e fenómenonan kada biaha mas frekuente aki, Konfederashon Europeo di Sindikatonan a pidi Union Europeo pa hasi uso di un pouze di hidratashon obligatorio pa tur trahadó, similar na esun di weganan di futbòl den Mundial.
