RIVIERA BEACH, FLORIDA, MERKA, AP.- Mas di 200 bahameño desplasá despues ku nan kas a keda destruí pa orkan Dorian a yega Florida den un barku krusero.
Esaki ta e di dos grupo di bahameño ku ta yega via e kompania krusero Bahamas Paradise. Mas di 850 bahameño evakuá a a yega riba 7 di sèptèmber, e dia despues ku e orkan a destruí islanan di Grand Bahama i Abaco.
Outoridat merikano a pidi empresanan ku komuniká ku funshonarionan di Bahamas pa detektá tur pasahero sin visa merikano.
Un kompania di fèri a pidi e pasaheronan pa desembarká na Freeport, obligando 119 persona pa baha for di e barku. E bahameñonan a yega Freeport djárason i lo keda temporalmente ku famia òf amigunan promé ku regresá Bahamas.
E barku Grand Celebration a entregá kuminda, awa, suministro i materialnan di konstrukshon na Freeport. E personanan evakuá mester paga solamente 49 dòler pa persona i proveé un adrès informando unda nan lo keda den Merka.
