WASHINGTON, MERKA, AFP.- Merka a superá e barera di tres mion kaso konfirmá di COVID-19, segun indikashon di visepresidente Mike Pence.
‘Nos a tèst mas di 39 mion merikano i entre nan mas di tres mion a tèst positivo”, asina Pence a indiká den un rueda di prensa na Kas Blanku.
E sifra a wòrdu anunsiá ménos di un luna despues ku a registrá 2 mion kaso di infekshon di Corona vírus.
Merka ta e pais ku mas kantidat di morto, ku mas di 131.521 morto, segun e sifra di Universidat Johns Hopkins.
E visepresidente merikano a indiká ku e estadonan mas afektá ta Arizona, Florida i Texas.
