DERNA, LIBIA (AFP).- Mas di 43.000 persona a keda evakuá pa motibu di inundashonnan devastador den parti ost di Libia, un siudat di Derna. Miéntras ku ta sigui buska míles di hende kendenan a disparsé, e Organisashon Internashonal pa Migrashon a publiká sifranan nobo dje suseso ku a tuma lugá den anochi di 10 pa 11 di sèptèmber.
E drama a provoká evakuashon di 43.059 persona. E falta di suministro di awa pa bebe a obligá hopi otro hende pa bandoná e siudat. Segun e delaster balansa e inundashon a kousa 3.561 morto. Pero e organisashonnan humanitario i outoridatnan libio ta teme un kantidat muchu mas grandi debí na e míles di hendenan ku a disparsé.
E ret di telefòn i internèt a keda kòrtá djamars anochi i a hasi un petishon na periodistanan pa bandoná Derna e dia siguiente di un manifestashon di abitantenan ku tabata eksigí pa outoridatnan duna un splikashon relashoná ku e drama den e siudat.
