QUETTA, PAKISTAN (AFP).- Mas di 50 persona a muri i desena a resultá heridá ayera den un atake ku bòm den e provinsia Baluchistan (zùitost di Pakistan) kontra di un proseshon pa konmemorá e natalisio dje profeta Mahoma.
Na Pakistan e selebrashon dje fecha di nasementu di Mahoma ta aseptá pa hopi grupo musulman, pero algun ta konsiderá ku e ta un inovashon ku no ta hustifiká i ta kondená esaki.
“E proseshon a sali ku algun shen hende for di e meskita de Medina, i yegando e kaya di Al Falah e tabata blanko di un atakante suisida”, segun Abdul Razzag Sasoli, un funshonario dje distrito di Mastung.
“Mi pianan a tembla i m’a keda tumbá”, segun Hazoor Bakhsh, un sobrebibiente di 49 aña.
“Ora ku stof a baha, m’a mira hende plamá tur kaminda, algun gritando, otronan pidiendo yudansa”, el a agregá.
“Mi por konfirmá ku e kantidat di víktima a oumentá i awor tin 50 morto i mas di 70 herido”, segun e sup direktor general athunto di polis di Baluchistán, Munir Ahmed Shaij.
Tur aña, meskita- i edifisionan di gobièrnu ta dòrna ku lus i ta selebrá proseshonnan pa marka e nasementu dje prinsipal profeta di islam.
