…Fransesnan den demostrashon di protesta riba Place de la Bastille,na Paris, komo parti di akshon kontra di rasismo…
PARIS, Fransia (AFP).- Por lo ménos 91.000 persona, segun Minister di Interior, djasabra último a protestá na Fransia kontra di rasismo i derecha ekstremo, kompañá ku krítika kontra gobièrnu di Donald Trump na Merka. Otronan tabatin bandera palestino.
E marchanan a tuma lugá den konteksto dje buèlta pa derecha den polítika franses, una bes ku gobièrnu a bisa di lo hasi mas fuerte e polítika di inmigrashon i kontròl na frontera.
Na Paris, mas di 21.000 persona, segun Ministerio di Interior, a dal riba kaya, i a produsí vários enfrentamentu entre forsanan di seguridat i e manifestantenan.
“E derecha ekstremo ta moviendo rònt Europa, esei ta trese miedu pasobra na Fransia nos ta mira ideanan mas komun i den e direkshon aki, inkluso entre ministernan di e gobièrnu aktual”, segun e penshonado Evelyn Dourille.
Na Marseille, den zùit, alrededor di 3.300 persona segun polis a desfilá ku spanduk riba kua por a lesa: “kontra di islamofobia di Estado” i “Tesla ta e suástika (símbolo religioso) nobo”.
