Mas kargo kontra R. Kelly

... R. Kelly ...

MERKA.- Kargonan nobo kontra dje kantante R. Kelly ta revelá kon e por a logra di kasa ku Aaliyah Haughton tempu ku esaki tabatin 15 aña.
Fiskalnan federal di Brooklyn, ta akusando Kelly, 52 aña, di a soborná un empleado di gobièrnu di Illinois riba e fecha 30 di ougùstùs 1994 pa emití un sédula falsu na Aaliyah, pa e por a kasa di forma ofisial kuné, esaki segun e akusashon ku a keda presentá djaweps.
Kelly supuestamente lo mester a plania pa usa e identifikashon falsu pa optené un pèrmit pa kasa i demostrá ku Aaliyah lo tabatin 18 aña i no 15. E tempu ei Kelly tabatin 27 aña.
E siguiente dia Kelly a kasa ku Aaliyah den un seremonia sekreto ku e papelnan falsifiká. E matrimonio a keda kanselá despues ku yudansa dje famia di Aaliyah.
Despues dje kanselashon e karera musikal di Aaliyah a sigui krese te na momentu ku durante di un aksidente aéreo el a muri trágikamente ku 22 aña.

SHARE

LEAVE A REPLY