Aktivistanan direkshon pa Gaza kaminda nan ta bai tene un manifestashon na fabor di palestinonan.
EL CAIRO, Egipto (AFP).- Mas ku 200 militante di diferente nashonalidat ku a yega Egipto pa tuma parti na un marcha internashonal direkshon pa Gaza, a keda detené den nan hotèl òf retené na e aeropuerto di Cairo, segun Seif abu Kishk, bosero dje grupo organisadó.
Dos akshon pro palestino ta programá pa tuma lugá na Egipto: e kolektivo “Global march to Gaza” kuminsando awe ku salida for di Cairo, i e karavana “Soumoud”, ku ta sali for di Tunesia pa yega e strook di Gaza.
Outoridatnan egipsio a indiká ku kualke forma di akshon pro palestino organisá pa “delegashonnan estranhero” ta rekerí un “outorisashon promé”.
Entre e militantenan detené ta figura norteamerikanonan, australiano- austriako-, hulandes- franses-, surafrafrikanonan i marokis.
Pero mensahe privá riba retnan sosial òf transmití pa organisashonnan ta referí na detenshon di griego-, argelino-, kolombiano- i belganan.
Alrededor di 4.000 aktivista for di 44 pais a reservá buelonan pa Cairo ku e meta pa tuma parti na e manifestashon.
