Kurpa di kantidat di víktima bentá riba kaya, víktimanan di un atake sorpresivo di Rusia riba e komunidat di Sumi.
SUMA, Ukrania (AFP).- Un bombardeo ruso ayera a mata mas ku 30 persona, entre nan dos mucha, i kousa mas ku 100 herido den sentro di Suma, un siudat den nortost di Ukrania.
E atake, ku misilnan balístiko durante pleno selebrashon di “Djadumingu di Rama”, ta esun ku mas morto den último lunanan den Ukrania, invadí pa Rusia den febrüari di 2022.
Tambe el a tuma lugá dos dia despues di bishita di un emisario norteamerikano na Rusia.
Tur dos pais a reanudá nan kontaktonan for di despues di regreso di Donald Trump den White House.
“Rusia a ataká e sentro di siudat ku misilnan, nèt na momentu ku tabatin hopi hende riba kaya”, segun trahadónan di reskate ukraniano.
E último balanse ofresé pa 6’or di atardi a menshoná 34 morto, inkluso dos mucha, i 117 persona herida.
“Tin hopi kadaver… e kos aki ta un lokura”, segun un testigu a deklará na AFP
Outoridatnan di Sumi, na frontera ku Rusia,a publiká potrètnan di kurpanan tirá riba kaya i di personanan koriendo pa buska kaminda pa skonde. Tambe por a mira vehíkulonan na kandela.
“E atake a tuma lugá riba un dia ku tur hende ta bai misa relashoná ku Djadumingu di Rama. “Ta hendenan di mal kurason so por hasi algu asina”, segun e presidente Zelenski,
“Sin un preshon realmente fuerte, sin un apoyo adekuá na Ukrania, Rusia lo sigui ku e guera aki”, segun Zelenski a deklará den un mensahe riba Telegram.
